ಶ್ರದ್ಧಾಭಕ್ತಿಯಿಂದ ಪೂಜಿಸಲ್ಪಡುವ ಪ್ರಸಿದ್ಧ ರಾಮನ ಕುಲದವರೇ ರಾಮಕ್ಷತ್ರಿಯರು ಎಂಬ ಮಾತಿದೆ. ಗೋವಾದಿಂದ ವಲಸೆ ಬಂದವರು, ವಿಜಯನಗರ ಸಾಮ್ರಾಜ್ಯದಲ್ಲಿ ಕ್ಷತ್ರಿಯರಾಗಿ ಸೇವೆ ಸಲ್ಲಿಸಿದವರು ಎಂಬೆಲ್ಲಾ ಅಂಶಗಳು ಇತಿಹಾಸದ ಪುಟದಲ್ಲಿ ದಾಖಲಾಗಿದೆ.

1995ರಲ್ಲಿ ಆರಂಭಗೊಂಡ ವಿಶ್ವ ರಾಮಕ್ಷತ್ರಿಯ ಮಹಾಸಂಘವು ಪ್ರಪಂಚದಾದ್ಯಂತ ನೆಲೆಸಿರುವ ರಾಮಕ್ಷತ್ರಿಯ ಸಮಾಜ ಭಾಂದವರನ್ನು ಸಂಘಟನೆ, ರಾಮಕ್ಷತ್ರಿಯ ಸಂಘಗಳ ಬಲವರ್ಧನೆ ಹಾಗೂ ಸಮುದಾಯದ ಏಳಿಗೆಗೆ ಶ್ರಮಿಸುತ್ತಿದೆ.

ದೇಶ, ವಿದೇಶಗಳಲ್ಲಿ ನೆಲೆಸಿರುವ ರಾಮಕ್ಷತ್ರಿಯ ಬಂಧುಗಳು ಕಳೆದ ಹತ್ತಾರು ವರ್ಷಗಳಿಂದ ರಾಮಕ್ಷತ್ರಿಯ ಸಂಘ – ಸಂಸ್ಥೆಗಳ ಸಕ್ರಿಯವಾಗಿ ಸಮುದಾಯದ ಚಟುವಟಿಕೆಗಳಲ್ಲಿ ತೊಡಗಿಕೊಂಡಿದ್ದಾರೆ.